西鐵站升降機熱如焗爐
李小姐每日均於天水圍站D出口入閘乘搭西鐵，近日使用升降機來往大堂及地面時，發現升降機內非常翳焗，「搭半分鐘(車立)都焗到出晒汗，個個人都喺度搧扇，到底通風系統係咪壞咗？」記者曾到場視察，當日室外溫度約為攝氏廿九度，升降機內卻錄得三十二度，空氣亦不流通。
港鐵發言人指出，有關升降機乃按機電工程署守則設計、安裝及維修均合乎安全標準，接獲轉介後亦已作檢查，確定通風系統運作正常，能送出適當風量，保持空氣流通。
「部(車立)入面啲風係暖嘅，愈吹愈覺得熱，如果咁都叫運作正常，港鐵真係要諗下改善方法！」李指近日升降機依舊翳焗，要求港鐵詳細檢查，考慮提升有關通風系統質素的可行性。