前晚白鴿黨福利政策發言人何俊仁（鐵頭仁）終漏夜出聲明，就羅致光言論回應，不過無「腦」後嘅鐵頭仁喺聲明中措辭溫和到不得了，只話會絕對尊重黨員個人嘅意見。回想當日狄志遠話支持國民教育，換來鐵頭仁四日內三發聲明狠批，令人思索白鴿黨今次係自知理虧，定係無「腦」之後，終領悟溫和理性嘅真諦？
但白鴿黨今次「溫和」回應大腦「變節」，睇怕係唔敢得罪「大腦」居多。梗係啦，每逢白鴿黨遇「大事」，如當日被揭發黨內帳務混亂，都係由「大腦」羅致光出嚟解畫，呢個「大腦」內藏多少「機密」可想而知，而嚴詞割席嘅後果，真係「無腦」都知啦！