Christopher日前出席一個港島區活動時，透露佢已經做足準備迎接議會新工作，而且已決定加入民政事務、食物及環境衞生事務、交通事務同埋政制等委員會。
不過，佢話暫時都唔會挑戰做委員會主席或者副主席喇，因為要時間適應吓。至於有指今屆立法會新丁多，資深助理難求，Christopher就話，自己已經請咗三個助理，由兩個資深嘅帶住一個入職冇耐嘅新人，加上佢本來係中文老師嘅太太食咗肥雞餐退休後，亦會幫手做跑腿同校對。
Christopher話吸收咗之前嘅經驗，又有太太喺度，相信以後啲卡片，或者啲字都唔會再錯喎。