政情：大舞台：林奮強寸人臨急抱佛腳

新界東北發展計劃近日引發唔少爭議，行政會議成員林奮強尋日接受電台訪問時話，認同另一位行會成員陳智思所講，政府要檢討沿用嘅諮詢模式，好似新界東北發展計劃，唔少人都係喺最後諮詢階段先至提出意見，就好似學生臨急抱佛腳溫書咁，所以政府應該喺唔影響諮詢質素嘅大前提下，盡量縮短不必要嘅諮詢時間喎。不過，每項計劃都有最後諮詢階段，亦都好難限制市民幾時提出意見。