政情：大舞台：特區政府 跟足規則辦事

香港發生特大海難，特區政府整個架構用盡所有工具去救災，所有巨頭又空群而出開記者會交代事件，仲成立調查委員會去調查事件嘅成因。根據《調查委員會條例》成立調查委員會，港府已經好多年無用。現時特區政府做嘢逐漸撥亂反正，包括有事要宣布就要正正式式開記者會，保持政策透明，有新政策要作深入諮詢至出台，避免政策出台時因群眾反對而爛尾，同有需要時成立調查委員會調查事件。其實同市民嘅溝通保持暢通，作為一個政府，係最基本o架喇。