冷氣機滴水等車客「中頭獎」
張先生經常於旺角弼街一帶乘搭公共小巴，但候車期間卻不時「中頭獎」，「最慘係唔知啲水係乾淨定污糟，行過啲避開滴水又驚其他人以為我唔係排隊，真係好尷尬！」張曾多次向小巴站站長及食物環境衞生署反映，惜情況仍毫無改善。
港九新界公共小型巴士聯合總商會主席梁雄承認，曾接站長及乘客上址冷氣機滴水投訴，並向食環署反映，「我哋啲客企正喺下面排隊，逼住中頭獎，已經滴咗好耐，地下都生晒青苔！」梁指有關情況已經持續多時，認為滴水問題不單對乘客及途人造成滋擾，要求食環署盡快執法。
食環署發言人表示，接獲本報轉介後已派員巡查，發現上址大廈一單位的冷氣機滴水，並已向有關住戶發出「妨擾事故通知」，要求盡快維修。另外，該署亦懷疑上址多個單位有同樣問題，已發信勸喻事涉單位業主，要求盡快檢查冷氣機，避免滴水造成滋擾。