【本報訊】現年卅九歲的譚小姐申請單身公屋已八年，在房屋署現行配額及計分制下，至今不曾獲得一次編配公屋的機會，上樓遙遙無期。她慨嘆自己年過卅五歲，不合申請青年宿舍的資格，又未到可提早上樓的長者階段「唔上唔落」，希望政府可加快處理卅五歲以上的公屋申請人。
「我呢個年紀根本無乜可能大幅加薪，依家惟有希望可以快啲上樓。」從事飲食業的譚小姐，月入多年在約七千元水平，現租住朋友位於天水圍私樓一間面積六十多平方呎房間，「比住劏房好啲，因朋友任我用佢個廳、廁所同廚房！」她指自己不揀擇，選區亦只選偏遠的天水圍，原以為可加快上樓，想不到竟然連一次編配機會也沒有。為加快上樓，她曾申請以凶宅等單位為主的特快公屋計劃，但失望而回：「連特快公屋我都照申請，但咁多年淨係揀過一次樓，當時剩番啲長者屋，要同陌生人共用廚廁，咁咪仲差過依家？我最後冇揀到！」