財爺曾俊華尋日喺佢嘅網誌度話，好欣賞台灣舞蹈家林懷民，因為林老師嘅舞係跳畀所有人睇嘅。鬍鬚曾做咗幾年財爺，公眾都認為佢嘅表現麻麻，懷疑佢唔太清楚市民要啲乜，估唔到佢咁重視所有人嘅感受，令人不期然想到，換咗個特首，就連司長個腦袋都換埋。唔知佢下一份嘅財政預算案，會唔會令所有人都受惠呢？
