中環出更：杜玉鳳買雨林搵商機
位於金鐘亞洲協會香港中心嘅AMMO餐廳，開幕以來備受老饕追捧，儼然成為城中名人新蒲點。日前午膳時間，卓妮同博愛總理兼天行集團董事長杜玉鳳喺度食晏。餐廳由米芝蓮意大利餐廳The Drawing Room及海南少爺一班股東投資，食物有番咁上下水準。
仍然單身嘅杜玉鳳係政商界知名嘅女強人，咪睇佢好似十指不沾陽春水，其實小妮子從事地產、美容及森林投資，五年前更勇闖臨近澳洲嘅太平洋國家巴布亞新畿內亞，買下面積大過香港幾倍嘅熱帶雨林，魄力及勤力程度連男人都自嘆不如。杜玉鳳話，佢堅持每個月都要去一趟巴布亞，最近仲諗緊將旗下資產包裝上市。難得佢忙到瞓覺時間都唔夠，仍不忘做善事回饋社會，令人對港女刮目相看。
卓妮