政情：林D9臨上機梳靚個頭

話說尋日朝早八點半左右，身穿西裝冇打呔嘅林D9，現身機場離境禁區嘅洗手間入面，身邊有個小型行李箱同公事包。只見林D9一手拎住把扁梳，一手撳住頭髮，學足《阿飛正傳》入面嘅梁朝偉咁，由左至右咁梳到個頭立立令。當佢見到有人走入嚟，就拿拿聲收起把梳，急急腳拖篋走人。其實貪靚梳頭都係人之常情，林D9唔使咁緊張。