粉嶺爛路枯枝 絆跌長者
行人路損壞多時未有處理，路政署被指辦事不力！梁先生發現，粉嶺聯和墟和睦路一段行人路出現崩塌多時，地面石屎嚴重碎裂並散滿一地，更因堆滿樹木枯枝而頓變行人陷阱，「有次見到個婆婆行過，唔覺意畀啲石同樹枝棘親，成個跌咗喺度！」
路政署發言人表示，接獲本報轉介後已派員實地視察，證實行人路面有損毀並即時安排維修，工程已於早前完成。
「日日都有人掃街，冇可能冇人發現！就算未必關佢個部門事，都應該幫手轉介！」梁先生不滿路面失修多時卻從未有部門作出跟進，認為政府部門須面向全港巿民，遇事不能「側側膞」，「好心政府就主動啲，唔係下下要傳媒轉介投訴先做嘢！」