政情：大舞台：劉健儀品評特首 寸爆貪曾

自由黨主席劉健儀近排預備接受直選洗禮，講句嘢都尖銳過人。尋日佢逐一品評三位特首，話董建華有心無力、曾蔭權就有力無心，依家更放軟手腳，佢亦質疑梁振英是否一位有心有力嘅特首。

煲呔曾當然成績最差啦，被劉健儀評為「有力無心」。有心無力唔係罪過，只係能力有所不及。但有力無心，即係有能力都唔去做，專諗縮數卸膊位。劉健儀今次寸佢都算寸到應一應。