望着Jennifer和Eunice兩人四手一拿一捏，就把米飯和配料變成愛心飯團，飯香撲鼻，令記者亦食指大動。「啲飯團一陣間就會派畀老人家，佢哋收到會好開心！」Jennifer一邊說，一邊將半完成的飯團遞給Eunice，小動作已盡見默契，一個又一個的飯團已整齊排列桌上。

生米煮成熟飯需要過程，Jennifer與Eunice的默契亦需要時間培養，「之前我幫個兒童烹飪班做義工老師，但啲小朋友無時停、好難教，好在Eunice嚟咗幫我手！」她笑言幸好對方「醒目」，否則烹飪班亦不能成事。烹飪班以後，二人「拍住上」參加「香港青年協會」義工隊，送飯團、派白米予有需要的老人家。

Eunice（右）表示，快將投入公開試，要向Jennifer學習兼顧學業和義工服務。

麥婆婆今次收到兩位義工送的米，令她十分安慰。

「老人家接到飯團嘅時候，真係笑得好真摯o架！」Jennifer談起為送飯團和白米時，雙眼也笑得瞇成一線。Eunice同樣也為服務老人而樂在其中：「有次派米，一開門就見到十幾人，原來咁啱佢哋全家都喺度食緊飯。佢哋啲仔女同孫仔一見到我哋係咁多謝，仲叫我哋一齊食，感覺真係好溫暖！」

感嘆義工伴難求

「做義工識到嘅朋友真係令你感覺到咩係志同道合，大家價值觀係近好多，好單純，只係一心想幫人。」剛入讀大專的Jennifer感嘆，像Eunice般的義工伴難求，很多同學閒時不是唱Ｋ，就是做兼職賺錢，自己做義工反成異類。

Eunice表示自己快將投入公開試，但仍會抽空貢獻社會，「上年Jennifer都要考公開試，我會向佢學習，兼顧學業同做義工！」白飯雖好，都要有配菜扶持，希望兩位義工小廚師繼續為老人家送上愛心飯團。

圖：張琦、文：陳潤南