粒粒顥關壞 愛心遍社區

近年通脹一直升溫,百物騰貴,市民皆苦於為餬口而勞碌奔波,弱勢社群的生活或受忽略。東方日報慈善基金自一九九八起,已透過「粒粒顯關懷」贈米計劃,每月透過志願團體及長者屋向有需要長者送贈白米,除協助長者們減輕經濟重擔、讓他們感受人間有情外,同時亦宣揚社區關懷的重要,希望以實際行動將關愛訊息傳至社會每一個角落。

年屆七十八歲的梁蓮雖然年事已高,但仍精力過人,每日除了晨運外更會打籃球,風雨不改,連同長者中心一班「波友」,足可舉辦千歲運動會,「我成日都去中心同班『老友記』打乒乓波,不知幾開心,胃口都好咗,好彩《東方》個個月送米畀我,年中真係慳番唔少!」梁蓮坦言已獲基金贈米逾十年,深切感受到社會人士的關懷,大有老懷安慰之感。

助抗通脹 深受歡迎

與梁蓮相識於長者中心多年、兩人「老友鬼鬼」的黎煥章則多才多藝,無論耍太極還是唱歌跳舞也難不倒她,「最開心係有次做公開舞龍表演,嗰次總共有八十八條龍咁多!」黎婆婆更對白米有其獨特體會,「以前喺鄉下種米日曬雨淋,知道粒粒皆辛苦,所以一粒米都唔會嘥,真係好多謝《東方》每個月都派米畀我哋!」

白田浸信會老人休憩中心幹事張姑娘表示,中心受惠於「粒粒顯關懷」贈米計劃多年,一直深受長者歡迎,「佢哋每個月都好期待派米呢日,有長者嚟中心入會除咗想參加活動,其實就最想睇下可唔可以申請到攞米!」張姑娘又指,白田邨內不乏領取綜援的獨居長者,持續通脹下生活日漸艱難,「大家都明白資源有限,但都希望多啲善長可以捐助,等依家冇份攞米嘅公公婆婆都可以受惠!」

捐款編號:16333

記者:朱廣華、黃芷君

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報