玩法千奇百怪 越位大細有得賭
【本報訊】每逢國際性足球賽盛事，而今屆歐洲國家盃賽事又遭逢歐債危機，外圍波莊家為吸客，推出更多新玩法，賽前盤口及走地盤口都特別多，因為各地都有直播賽事，故在賽場上發生的各種「罰球」都有得賭，可謂千奇百怪。警方的情報顯示，今屆歐國盃除賭「首個」界外球、十二碼等，「連越位都有得賭，真係賭到癲。」另外一個谷客源原因，是全球經濟不景，歐美外圍波的賭注料難會有突破，不少莊家將目標轉到珠三角區，中港兩地警方正密切注視跨境賭博集團。
珠三角撐起全球逾半投注額
據熟悉外圍波的人士透露，今年的重要足壇賽事，包括歐冠盃和部分歐洲國家的聯賽已結束，外圍波集團集中火力推招賭歐國盃。以前外圍莊家會在大賽或大戰，增設「角球大細」及「黃牌大細」玩法，今次加料增賭「越位大細」，「差唔多場內發生乜嘢事都有得賭，包括『有冇十二碼』、對賽雙方邊隊攞『首張罰牌』、『首個自由球』、『首個球門球』、『首個界外球』、『首位替補球員』等，千奇百怪，一於將一場波賭到盡。」
有非正式的統計顯示，估計今屆歐國盃賽事全球博彩總投注額會突破五千億港元，但歐洲因債務問題困擾，投注額難創新高，所以珠三角地區被視為撐起博彩巿場的重要客源，預料今屆歐國盃投注額中的一半以上來自珠三角地區，香港應有逾七十億投注額。警方估計不法分子為瓜分投注額，各出奇謀吸客，吸引賭客投注，甚至可能進一步推高投注額。