中環出更：朱鼎健屋企健身享家庭樂
觀瀾湖集團主席兼行政總裁朱鼎健（Ken）嘅集團生意集中喺內地，平均一周飛三至四次係等閒事，要喺工作同家庭之間取得平衡唔容易。不過，Ken一向重視家庭樂，曾經為咗爭取同家人相處時間，用咗二萬六千幾蚊買咗部跑步機返屋企，做運動都可以陪住屋企人。
Ken話，自己好重視工作、家庭同做運動，早年用二萬六千幾蚊買咗部跑步機返屋企，主要係為咗爭取與家人相處時間，事實上佢嘅努力亦有回報，佢送十四歲嘅囡囡返學到校門時會送上goodbye kiss，至於八歲嘅囡囡直情叫佢「boyfriend」添，Ken同囡囡嘅親密程度，認真羨煞旁人。
觀瀾湖原來已經成立咗二十周年，最新搞作係同華誼兄弟與著名導演馮小剛成立合資公司，喺海南島海口市興建獨一無二嘅電影主題公園，目標係爭取喺二○一四年第一季度初步落成啟用。據聞三大巨頭一拍即合聯手打造東方環球影城只係個多月，或者呢啲就叫惺惺相惜吧！
卓妮