著名粵劇名伶、八和會館副會長阮兆輝呢幾日慶合合，事關選舉事務處話佢唔合資格做立法會「體育、演藝、文化及出版界」功能界別嘅選民喎，粵劇包含演藝同文化元素，咁都唔合資格，因而感到莫名其妙。輝哥尋日上電台節目繼續鬧呢單嘢，仲批評議員霍震霆（Tim）過去十幾年都無代表佢哋業界發聲，唔去開會之餘，又無聯絡，同樣感到莫名其妙，睇嚟輝哥似係想演番場「六國大封相」咁款喎！
