路磚鬆脫行人路變爛地
行人路凹凸不平，路政署被轟「唔踢唔郁」！林先生習慣每日中午將電單車停泊於火炭長瀝尾街公眾泊位，再徒步往附近大排檔用膳，近日發現上址行人路嚴重凹凸不平，部分路磚更有鬆脫現象。「條路爛到咁都冇人理，路政署到底知唔知？」林更擔心長者或小孩稍一不慎會絆倒受傷。
路政署發言人承認，職員於今年二月初視察上述路段時，已發現上址行人路近樹木旁有路磚局部呈現不平，已指示承建商安排維修。鑑於路磚不平或與路旁樹木樹根生長有關，當局正與相關部門商討改善措施。
「條路唔會無啦啦凸起，梗係日積月累先會凹凸不平，點會睇唔到？」沙田區區議員鄧永昌狠批路政署疏忽失職，罔顧行人安全，要求改善其被動工作方式。