探射燈：心存僥倖 同舖重複犯案
「小朋友去偷嘢，最大原因係屋企家境唔富裕，滿足唔到佢哋想買玩具嘅欲望，或者受到朋輩影響，有樣學樣。」浸會大學社會工作系副教授趙雨龍表示，除受朋輩壓力影響，小朋友亦有可能為追求刺激感或成功感而去盜竊。
趙雨龍估計，小孩重複到同一店舖盜竊，是存有僥倖心理，他說：「佢哋曾經喺嗰度成功過，以為自己對環境好熟習，於是就食過翻尋味，不斷去同一店舖犯案。」
註冊臨床心理學家鄒凱詩認為，家長應從小向子女灌輸正確價值觀，及講解何謂守法精神，「就算子女真係犯錯，都應該作補救行為，例如叫佢哋賠番錢畀人，或者向店主道歉，等子女知道自己做錯事嘅後果。」