立法會尋日舉行公聽會聽取團體對新政府架構重組嘅意見，大部分團體都支持增設文化局推動本港文化發展，但係就質疑盛傳會出掌該局嘅現任民政事務局副局長許曉暉（Florence）並非適當人選，質疑佢唔認識文化工作，外行管內行。Florence出席一個公開場合時強調，只要具備熱誠、承擔及包容，就可以推動文化工作喎，預先為自己擋箭。
