政情:劉健儀挑機反被窒

立法會選舉愈來愈近,盛傳會空降港島區直選嘅自由黨主席劉健儀(Miriam),尋日就借新政府架構重組問題,向疑似參選港島區嘅新民黨灣仔區議員黃楚峰開火,新民黨副主席田北辰(田二少)就立即幫手解畫,令現場火藥味濃厚。

話說尋日立法會就新政府架構重組方案舉行公聽會,新民黨拉大隊到場,以爭取曝光機會。田二少話原則上支持方案,但擔心會「畫虎不成反類犬」,因為工作積壓喺司長身上,跟住黃楚峰就接力,質疑重組有無迫切性,因為重組一年要多花七千二百萬元,等於貪曾住一千三百次總統套房,應該要等社會先討論吓喎。

Miriam聽完立即質問黃楚峰,批評新民黨支持重組方案但又提出質疑,「你哋個心想佢(梁振英)點做?」

黃楚峰未嚟得切開口,曾經係自由黨黨員嘅田二少就挺身而出駁斥話:「擔心並不表示我哋反對或有答案點做,作為開放嘅政黨應該聽候任辦闡述理念」由於時間夠鐘,Miriam再無反駁嘅機會喇。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報