話說尋日立法會就新政府架構重組方案舉行公聽會，新民黨拉大隊到場，以爭取曝光機會。田二少話原則上支持方案，但擔心會「畫虎不成反類犬」，因為工作積壓喺司長身上，跟住黃楚峰就接力，質疑重組有無迫切性，因為重組一年要多花七千二百萬元，等於貪曾住一千三百次總統套房，應該要等社會先討論吓喎。
Miriam聽完立即質問黃楚峰，批評新民黨支持重組方案但又提出質疑，「你哋個心想佢（梁振英）點做？」
黃楚峰未嚟得切開口，曾經係自由黨黨員嘅田二少就挺身而出駁斥話：「擔心並不表示我哋反對或有答案點做，作為開放嘅政黨應該聽候任辦闡述理念」由於時間夠鐘，Miriam再無反駁嘅機會喇。