赤柱廣場新台階 無燈跣親人
赤柱居民周小姐日前於晚上行經赤柱廣場閒情坊，不慎遭上址新建台階絆倒，右腳腳踝嚴重腫脹。周小姐指上址原為平路，去年翻新工程後即變成樓梯，疑因燈光不足變成行人陷阱，「無啦啦整條樓梯，仲要有啲梯級冇燈，黑麻麻一下睇唔到就跌親！」
領匯無加設通告
領匯發言人表示，赤柱廣場於去年底完成資產提升工程，有關工程經由專業顧問建築師承辦，並已向有關政府部門提交申請並獲得批核，一直沒有遊客意外受傷紀錄。
「其他嗰幾級條邊有燈，一眼就望到，唯獨係最低呢級冇，又得一吋左右高，夜晚黑真係好難留意到，領匯應該提一提啲客！」周小姐建議領匯於梯級邊緣加設通告貼紙，以免再有同類意外發生。