臨近五一勞動節，又是內地部門「洗太平地」時節，面對嚴打水貨客新措施，水貨集團根本「冇有怕」，早已另謀對策，透過「買關」及拆解內地檢疫措施，令水貨生意長做長有。
「依家走羅湖冇肉食，我哋轉咗做七人車！」據一名水貨集團核心成員透露，水貨集團已轉為「買關」形式，聲稱透過賄賂內地關卡相熟關員，利用七人車運貨過關。他表示，水貨集團與內地關員以「五箱貨」作暗號，在報關時，水貨集團通常不會上報內裏載有需報關的貨品，如iPhone、數碼相機及電子零件等，「要買通關員都唔係咁易，每樣水貨都唔同，梗係iPhone、iPad最貴啦。」
「佢哋（內地海關）部Ｘ光機係打豎嘅，所以如果將iPhone、iPad打豎放，就會被掃出嚟，但如果將啲貨打橫攝喺唔同地方，就會變成一條線，較難查到。」該成員自稱，已熟知內地關卡的檢疫情況。他更坦言，內地推行新政策通常是「初嚴後鬆」，只是「做個樣」，經過一、兩個月後，又會重回舊貌，屆時水貨客「螞蟻搬家」式的運貨情況勢必再現。