政情：D姐開門五件事勉學子

D姐尋日向同學分享佢嘅「開門五件事」，形容未來就好似一道門咁，同學們將來做每一個決定，無論想打開邊一道門，都要堅持自己嘅理想，唔好局限自己嘅人生為「父母嘅續集，兒女嘅前傳，同埋朋友嘅外傳」。佢又提醒班同學，要謹記呢個世界嘅門都有分好多種，有推嘅、拉嘅、仲有趟嘅，所以同學們要時刻靈活變通。

尋日記者三度追問D姐有關當局豁免非香港永久性居民陳冉加入候任特首辦公室嘅事件，D姐不但唔答，期間仲拖住上咗年紀嘅仁大校監胡鴻烈做擋箭牌，一邊行一邊叫記者「讓條路畀佢」，話以免撞親老人家喎。