政情：嫻姐唔認係「保梁局」主席

嫻姐事後話，自己從來無做過「保梁局」嘅角色，只係好耐之前，當社會大部分人覺得唐英年做硬特首嘅時候，佢力排眾議有第二種意見，所以先畀人有呢種錯覺。

近期社會熱烈討論下屆政府問責班子人選，工聯會有卅幾萬會員，到底佢哋會否派人入政府呢？嫻姐就話，工聯會如果有人入政府嘅勞工或福利部門亦係好事，但一定要確保能夠影響政府施政，以及反映到打工仔意見，若只係一味聽指令做嘢，咁就入都無謂喎。