政情：轉唔切國籍 司馬文焗棄選

法律規定超級區會候任人唔可以擁有外國護照，司馬文舊年十一月當選區議員，已下定決心放棄荷蘭籍參選超級區會，但前提係要取得中國籍，以免淪為無國籍人士。入境處今年一月開始跟進司馬文嘅申請，到上周五通知佢最快要年尾先批到，令佢被迫棄選。公文袋自己甩轆就賴人，質疑入境處嘅做法涉及政治因素。但據熟悉有關問題嘅人士表示，近年多咗好多南亞裔人士申請中國籍，司馬文要排一年時間絕對唔奇，應該唔涉及政治。