東邊街車禍傷者 料失工作能力
【記者林永發報道】在東邊街致命車禍中身受重傷的裝修工人杜漢雄現時仍於瑪麗醫院深切治療部留醫，醫生估計最少須留醫半年接受治療，康復後亦不能再提起重物，料將失去工作能力。鑑於阿雄乃家中經濟支柱，東華三院透過東方日報慈善基金向傷者撥出二萬元緊急援助金，以助杜家解決眼前困境。
多處斷骨 至少留醫半年
「醫生話佢全身都傷晒，最少都要住半年醫院，但幾時先可以好番就唔知……」杜太提起丈夫狀況時難掩憂慮神色。阿雄於意外中左手食指被軋斷，斷指雖被尋回但最後仍無法駁回；頸椎則被撞至移位，盆骨碎裂，肋骨及右大腿骨亦骨折斷，昨日更接受歷時四句鐘的盆骨及大腿骨手術，以確保日後活動能力。
杜太坦言，目下最希望阿雄能早日恢復活動能力，「我老公好勤力，一有工開就會去做，所以嗰日知道以後做唔到嘢之後，佢就好唔開心！」杜太指本周一為阿雄生辰，當日還與家人開懷慶祝，翌日於事發地點附近購買工程所需材料準備工作，詎料橫禍飛來，「個仔之前畀公司裁員，啱啱先搵番份工，諗住啲好運返緊嚟，點知又到老公出事，呢幾日我都瞓唔到。」面對現時困境及日後丈夫復康長路漫漫，杜太顯得憂心重重。
阿雄傷勢嚴重，家庭頓陷困境，東華三院董事局特此致深切慰問，並即從「東華三院緊急援助基金」撥兩萬元，助杜家渡過難關。（捐款編號︰12252）