跳至主要內容​跳至主目錄​

中環出更:王淑筠幫襯自己買復活蛋

香港青年聯會賢慧社最近有位靚女新面孔,佢就係美億珠寶嘅太子女王淑筠(Diana)。復活節長假期間,卓妮行經尖沙咀海港城,咁啱見到Diana帶住三歲囡囡Ashley,喺意大利朱古力Venchi分店買復活蛋,原來佢係Venchi嘅香港代理商,落足心思打造童話式店舖,難怪咁受城中朱古力迷歡迎。

Diana話,幾年前佢去意大利參加珠寶展,因緣際會食到有一百三十幾年歷史嘅Venchi朱古力,自此即愛上,佢最鍾意榛子及黑朱古力味。後來佢花兩年時間取得香港代理權,初時只做批發,供應畀星級酒店及餐廳,直至年半前先至開第一間門市,一年生意額已高達數千萬元。

今年二月至加入青聯嘅Diana,覺得一班兄弟姐妹既能幹,又有服務社會嘅熱誠,好值得佢學習。唔講唔知,原來Diana媽媽同「提升快樂指數基金」發起人之一嘅寶星首飾廠老闆吳宏斌相識多年,佢就跟隨世伯齊齊傳送快樂,仲鼓勵員工加入基金做義工添!

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

人人做記者
爆料方法 :
爆料熱線: (852) 3600 3600電 郵: news@opg.com.hk網上爆料
傳 真: (852) 3600 8800手機網站: m.on.cc
SMS: (852) 6500 6500MMS: ireport@on.cc
本網站已採納無障礙網頁設計。如閣下對此網站在使用上有任何查詢或意見,請以下列方式聯絡我們。 電郵 : enquiry@on.cc
東方日報香港人的報紙 必然首選 連續49年銷量第一