政情：粉藍煲呔曾 聞撐唐奸笑

據聞CY上任特首後，行會將會大換班，最少有一半非官守成員無得留低。尋日行會召集人夏佳理、胡紅玉等人去開會時，始終都無回應CY有無接觸過佢哋，而劉遵義開會後仲寧願獨自吹風等車，都唔肯同記者寒暄兩句。

至於近日表示「無講過無興趣做」港交所主席嘅查史美倫，亦都唔肯開金口。不過，教育局局長熱門人選張炳良，尋日就春風滿面，選擇喺特首辦正門離開，問佢係咪真係做局長時，佢就繼續微笑。