中環出更：LALIQUE水晶 吸引鄭慕智一家
外號「公職王」嘅教統會主席鄭慕智（Moses）出名顧家，點忙都抽空陪家人。雖然男人唔多鍾意shopping節目，但Moses都唔抗拒，卓妮早前就撞到佢喺中環同家人行街，期間入咗法國頂級水晶名店LALIQUE睇擺設。
當日係周六晏晝三點幾鐘，Moses陪住太太同一對千金逛中環ifc，一家人左睇睇，右(目及)(目及)，未有特別焦點，直至行過LALIQUE見到櫥窗有新貨，Moses即時眼前一亮行入店內睇真啲，見佢揀到手指指，表現興奮，可惜揀完一輪，都係無買到。離開舖頭後，鄭太忽然感到隻腳唔多舒服，莫非行街行到腳痛？一對乖女好識做，左右兩邊「夾」實媽咪，等佢整理對鞋，認真孝順。