豬狼之爭，來到呢個時刻，風高浪急，「黑材料」愈揭愈臭，尤其龍豬，炸彈亂投，忽然看重「公益」，指CY毀棄香港核心價值，打壓言論自由。然而，龍豬只讓炸彈亂飛，卻拿不出任何證據，呢個世界，指控人又不舉證，噏得出就噏，喂，呢啲唔係捏造抹黑又係乜呢？
○三年嘅防暴隊「蘇州屎」，當年特首係董伯伯，老實講，你叫佢表態，佢肯定睬你都傻，即使記得，既然兩個都係「中央可以接受嘅候選人」——咁指證邊個講大話呢？
依老朽看，豬狼之爭在呢場泥漿摔角，除了弄髒自己，泥頭亦濺到阿爺一臉都是，搞到中央好無癮也！坦白講，周日選舉若然流選，五月再選，也未必真係可以選到一個絕大多數港人認受的愛國愛港新特首！
毛澤東說得好：一切事物都是對立的統一。五個指頭，四個指頭向一邊，大拇指向另一邊，這才捏得攏……不純是絕對的，純是相對的，這就是對立的統一。掃地，一天到晚掃二十四個鐘頭，還是有塵土。
世事無絕對，中央多年刻意扶持龍豬上位，可龍豬就是扶不起的阿斗，如今更化身阿蓋德，引火焚身。依龍豬的邏輯，也許覺得自焚夠壯烈，即使未能變成火鳳凰，起碼肉身不會臭肉招烏蠅！
今日亂局追根究柢，係回歸後中央沒有嚴格遵守「愛國者治港」原則，昨日「正論」之「姑息養奸十五載，餘孽篡逆臥七年」，頗堪中央咀嚼！