特首候選人唐英年披露疑似行政會議機密抹黑對手梁振英，完全漠視行會嘅保密禁令，仲上電台繼續爆料添。不過，有心水清嘅聽眾就質疑唐唐言論嘅可信性，話佢喺九龍塘大宅僭建風波中不斷講大話，質疑佢嘅誠信好有問題。唐唐就死撐話自己從來無否認過屋企有僭建，只係當時解釋得比較含糊，先至令市民有誤會喎。如果咁都叫含糊，咁佢解釋婚外情醜聞就更加含糊喇。
