死撐特首候選人唐英年嘅建制派立法會議員，不惜罔顧立法會嘅尊嚴、權威同公信力，強行拔出「特權法」呢把尚方寶劍，調查唐唐對手梁振英被指漏報西九利益事件。連日來極力維護立法會公信力嘅工聯會王國興，尋日就喺電台動真氣，鬧爆調查西九事件專責委員會組成不公，事關過半數委員都有提名特首候選人，有利益衝突之嫌，難怪佢質疑立法會搬遷後冇咗公義女神坐鎮就立即變得唔公義喇。
