【本報訊】曾蔭權日前出席立法會特別答問大會，面對議員質詢時一度哽咽博同情，並就醜聞動搖市民對香港制度的信心向公眾道歉。儘管曾蔭權想盡辦法「甩身」，醒目網民並沒有中招，反而揶揄曾蔭權好戲，是「最佳男主角」。「曾蔭權唔該唔好做啲煽情戲，唔該唔好扮無知！」要求捲入利益衝突醜聞的曾蔭權立即下台。有網民更直指曾蔭權是個偽君子，死到臨頭仍不悔改。
特首辦facebook短短幾日內已收到逾千個留言，當中不少網民批評曾蔭權厚顏無恥，又指他選擇性回答議員問題非常不智，回答質詢時答案又牽強，對解釋表示絕不「收貨」。另外，有網民質疑曾蔭權誠信及操守有問題：「付款只是他自己說的，誰可以證明你真正已付錢？這是利益輸送，濫用特權！」又有網民怒轟曾蔭權：「依家佢又遊艇，又春茗，又私人包機，咁都無問題？」
有不滿曾蔭權施政的網民亦趁機加入鬧爆曾蔭權：「讀咁多書都只懂官商勾結，難道仲要我哋市民去包容佢？一副官腔加上錄音式施政，我哋忍夠了，是七年，足足七年！」狠批曾蔭權貪盡小便宜，不潔身自愛，辜負市民期望。