嘲曾扮委屈 網民唔收貨

【本報訊】曾蔭權昨就貪盡海陸空首次向市民道歉,但市民「唔收貨」,紛紛在不同渠道繼續炮轟貪曾。有網民斥曾蔭權「欠誠意,只扮委屈」,更質疑他為何可以隨時放棄租約;有心水清的網民更踢爆,曾蔭權去年十月公布《施政報告》後接受電視台訪問時,隱瞞有意租住深圳「禮賓府」的後路,引述他當時自稱正「惆悵(退休後居所)……到時再算」,狠批他當時已講大話。

電視訪問證隱瞞後路

曾蔭權承認自己幾年前已有意租住深圳「禮賓府」,去年底更開始裝修,但網民揭發他去年十月公布《施政報告》後,出席一個電視台訪問時竟然說,自己正為退休後的住所惆悵,更表示「上天一定會照顧到,到時先算」,完全無透露自己已謀後路。

本報記者翻查訪問片段發現,曾蔭權不但對深圳「禮賓府」隻字不提,更指自己日後肯定是「大屋搬細屋」,似乎刻意隱瞞計劃租住深圳六千多呎大宅,「咁一定係大屋搬細屋o架喇,如果有一間屋,買咗疊樓好似依家廚房咁大我已經很開心o架喇!但係我覺得人人都係能屈能伸。」

解約唔賠是否收利益

對於曾蔭權昨開腔道歉,網民「派膠皇后」質疑:「為何曾蔭權點解可以隨時棄租東海花園?」「如果業主唔使佢賠嘅話,係咪又屬於收受利益呢?」

「Carly Ma」認為「成個答問會,曾蔭權表達的就是很委屈,很不幸運,根本沒悔意」。

「Joe Kurapica」更指「扮喊!你喊係因為冇?三百萬租金?我?喊係因為香港法治就死呀!」

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報