煲呔曾貪盡海陸空，連網民都睇唔過眼謔稱佢係香港第一貪官「和曾」，將佢同清代大貪官和珅相提並論。不過作為民意機關嘅立法會當中，竟然有小圈子選舉產生嘅議員助紂為虐，同煲呔曾呼吸緊一樣嘅空氣，好似立法會中總代表「中指黃」黃宜弘咁，尋日問到佢應否用特權法徹查煲呔曾事件，佢話唔表態，之後被追問點解唔表態時，佢厚面皮到話唔表態係佢style（風格）。
唔表態做立法會議員嚟做乜？眾目睽睽下舉中指都做得出，睇怕無乜嘢佢做唔出o架啦！
