渡海濠情：囡囡教跳舞 從中搵着數
最近電視台有個跳舞比賽節目進入決賽階段，於是抽空睇吓，發現參賽者中有啲跳國際標準舞十分出色，令我呢個跳舞白癡極之嚮往，咁啱畀我認識到嚟自富城會嘅小月，佢除咗跳「國標」十分出色之外，仲利用跳舞嚟從中取利添。
小心抽水
小月話：「我自細就跟媽媽去廣場跳舞，所以十零歲女，就已經乜嘢舞都識跳，後嚟再大個啲，就唔去廣場跳，改咗去一啲專跳國標嘅舞場玩，當時識跳嘅都係啲大我好多嘅阿叔阿伯，但冇所謂，事關同佢哋跳吓舞，就會得到好多好處。」小月唔係以跳舞為名做援交嘛？小月話：「啲阿叔阿伯唔會咁猖狂，事關佢哋大多都有舞伴同去，所以唔會有非分之想，就算有啲鹹豬手，佢哋都唔會太過分，而入場後飲飲食食都唔使錢，而有啲初學嘅男人，仲會畀錢要求我教佢哋幾招添。」
花心拍檔
咁咪搵到唔少錢？小月話：「係呀！我讀書嘅時候所有買嘅名牌波鞋牛仔褲，都唔使花零用錢嚟買。」但從未有愛情火花出現過咩？小月話：「直至十七八歲時，為咗參加比賽，所以結織咗個大我十年嘅國標老師，兩人一見如故，感情一日千里，之後仲將寶貴嘅第一次畀咗佢，但我哋殺入五強就止步，之後就分咗手。」點解呀？小月話：「因為發現佢十個學生當中，竟有九個同佢有關係，咁花心嘅男人畀我都唔要！」小月家陣仲有教學生，但肯定唔會學佢初戀情人咁亂搞男女關係！
小月Profile
年齡：23歲
三圍：34-23-35
興趣：跳舞
撰文：賢
攝影：阿生