政情：黃容根開fb大陣仗

根哥日前又獻新猷，出咗一張海報，以「根叔有FACEBOOK啦！」為題，通知大家佢設立咗社交網站facebook（fb），海報中嘅根哥顯得既雀躍又威風。

根哥喺海報仲呼籲市民如果有啲乜嘢想同佢講、對社區有啲乜嘢期望、又或者有邊啲地方需要維修，都可以add佢做朋友，寫低大家所想喎。雖然因為開咗fb而出張海報有啲誇張，或者大家見到會笑咗出嚟，但另一方面反映根哥係有啲計嘅，唔似得有啲議員做咁多年都係墨守成規，毫無創意，淨係睇根哥可以連任咁多屆區議員，相信可睇到箇中原因。