【本報訊】內地地產界大爆曾蔭權的「睇樓內幕」，有內地地產經紀指出，由於曾蔭權與東海花園老闆黃楚標稔熟，過去數年多次目擊曾蔭權在黃的款待下到君豪閣小住，並勞動多名內地公安負責其貼身保安。
「佢成日都嚟（東海花園），一年最少兩、三次，更會喺君豪閣嘅複式頂樓住番幾日。」一名內地地產經紀表示，曾蔭權到君豪閣居住並不是最近的事，「最近五年我都見到佢隔一段時間便會出現，舊年都見佢嚟咗幾次，今年都有嚟。」他指東海花園老闆現時仍持有多層君豪閣的高層單位，並將部分一梯兩伙的單位打通，以接待朋友，其中一個便是曾蔭權。
「佢（曾）嚟嘅時候好低調，多數一個人嚟，好少帶埋老婆同朋友。黃（楚標）老闆更不止一次親自招呼佢，但佢哋就唔會去大廈會所等公眾地方，見到我哋（地產經紀）就笑一笑。」他說。
雖然行蹤低調，但仍引人注意。該名經紀補充：「因為每次嚟，大廈保安就嚴密咗好多，門口更會多咗兩個公安駐守，大廈又多咗幾個保安巡邏。出入大廈又有四、五個保鏢圍住，如果佢嚟咗，好多時都會知。」
住得過癮，曾蔭權更想買番層。不少內地地產經紀都表示，曾帶過曾蔭權睇樓揀盤。其中一名內地地產經紀則有一段不快經歷，她表示：「佢睇咗一、兩個盤，全程都唔係點講嘢，無話啱唔啱心水，全程同佢講嘅嘢都唔知有無廿句。睇完話會同我聯絡，但到依家都無消息。」