巴士站變廣告台 貼滿街招食署懶理
鄧先生發現，馬鞍山錦英苑巴士總站附近有多個路牌及石躉均貼滿廣告街招，曾向食環署反映問題，惟情況一直未有改善，「啲街招貼到周圍都係，搞到啲柱同石躉一撻撻咁，真係好肉酸！」
食物環境衞生署發言人表示，接獲轉介後曾派員巡查，發現巴士站旁有路牌被貼上廣告街招，已即時清理，由於街招上並未載有張貼人士資料，根據《公眾衞生及市政條例》，該署未能作出檢控行動及追討移走費用。
發言人又說，食環署在過去一年曾接獲兩宗上址有宣傳品非法張貼的投訴，並曾派員跟進及清除，現時每日均有職員巡視上址一帶，並清除未經許可張貼的宣傳品，該署會繼續留意上址情況及採取行動。
不過，鄧先生坦言對食環署回應大感不滿，「啲招紙明明有晒電話都話搵唔到邊個貼，所以檢控唔到，唔通真係要人寫埋個住址先可以檢控？」