雙非孕婦問題爭議爆到七彩，醫院管理局主席胡定旭尋日就話，政府同私家醫院會喺四月傾吓出年非本地孕婦來港分娩名額，仲聲稱完全唔收雙非孕婦都得。其實透過行政措施唔收雙非孕婦，只係治標唔治本嘅方法，係咪一勞永逸實在令人質疑，萬一遲啲畀人法律挑戰，又搞出個大頭佛，到時先至要重提釋法或修改《基本法》，咁就真係搵嚟搞喇。
