煲呔曾在位七年，港人累積唔少怨氣，但煲呔曾翹埋雙手等收工，特首辦去年喺社區網站Facebook開咗個專頁，可以話係市民發洩怨氣嘅地方，無論專頁貼咗有關政府嘅任何訊息上去，題材包括拜年、放煙花等，都會引發網民充滿怨氣嘅回應，內容包括四方八面。不過無論網民反映啲乜，佢都繼續無動於衷，難怪有網民話佢「返工等放工，出糧又出糧」。
