尋日係年初三「赤口」，傳統都唔會去拜年，加上氣溫勁凍又落雨，唔少人都選擇匿喺屋企避寒。不過新世界發展執行董事鄭志剛無懼寒風，尋日下午三點左右，卓妮見到佢着住黑色大褸及冷衫，下身配襯牛仔褲加波鞋，戴埋條灰色大頸巾，昂首闊步咁現身中環ifc添置新裝，私人保鏢緊隨其後。可能佢過年前忙到唔得閒買新衫，於是趁呢一日難得嘅假期買個夠，又或者佢鍾意過年後至去買嘢，冇咁逼人，行都行得舒服啲啦。最後佢上咗私人座駕離開。
