| 我要讚讚你： | ||
| 我要讚讚你：義工天使助社企起飛 | ||
知識可以改變命運，當知識融入義務工作，甚至可以改變社會。中小企老闆卓冠豪（Kenneth）撇除一切利益關係，以自己的專業知識，為社會企業排難解憂，成為幫助社企的知識型義工。起因？由一個簡單的反思開始。
「會唔會有義務工作可以用到我嘅專業知識？」從事市場顧問推廣工作的Kenneth，參與各類義務工作逾八年，機緣巧合下，加入了香港社會服務聯會的「社會天使支援計劃」。他先後成為不同團體的「社企幕僚」，後來「為咗專注啲」，決定全力支援隸屬東華三院，專門訓練及聘用殘疾人士，以烘焙業務為主的iBakery。
「你覺得重要 自然有時間去做」
iBakery的義務顧問最初只有Kenneth一人，但在不斷「招兵買馬」下，現時已擴展成十二人團隊，涵蓋會計、人力資源、物流、市場營銷及資訊科技等範疇，取名iBakery Angels。他們定期開會，提供具體管理支援。過程不但需要腦力，更消耗時間，不過Kenneth卻「冇有怕」，「人生入面，有啲嘢你覺得重要，自然就會有時間去做。」
「天使」人多，卻不會手忙腳亂，反而建立起默契，Kenneth表示，「我哋冇所謂嘅隊長，全部都好平等，開會到最後好自然會知道邊個負責邊樣嘢，咁嘅討論氣氛有時喺商界都睇唔到！」他更不諱言商業關係大多建立在利益之上，「做義工反而更加易交到朋友。」
看見iBakery生意漸上軌道，令Kenneth有一種另類的滿足感。事實上，iBakery由起初的整餅工場，至今擴充至茶座，他坦言，「除咗有一種『○變一』嘅感覺，更加覺得自己成功咁傳授咗啲知識畀人，嗰種感覺好特別，唔可以喺自己嘅生意上面攞到。」
經過十八個月的合作，東華三院賽馬會復康中心副院長陳佩珊（Florence）自言與Kenneth等天使，恍如認識多年的好友，「iBakery有啲咩問題，都唔會對佢哋有保留」。早前，Kenneth與一班戰友更獲頒「2011傑出社企摯友」。這份認同，成為Kenneth的動力，帶領社企闖出一片天。