中環出更：黃友嘉開餐鍾情美國會
好多政界都係停不了嘅「無腳雀仔」，好似啱啱卸任嘅廠商會會長黃友嘉（David）咁，轉頭就擔任香港工商專業聯會主席。不過，講到開餐，佢多年來都係鍾情位於中環交易廣場樓上嘅「美國會」，鍾意嗰度嘅食物夠大碟、夠晒分量，食落好滿足。
十幾歲就留學美國嘅David，原來係神童一名，四歲已入讀蘇浙小學一年班，佢笑言母親係女強人，為方便照顧六子女，寧願佢哋早啲入學。David十五歲就會考，然後到美國留學，之後潛質大爆發，話咁易就攞埋芝加哥大學經濟學博士銜頭。美國飲食習慣亦深深影響佢，返港後最愛仍是漢堡包及肉醬意粉，美國會烹調富美式風味，啱晒佢胃口，所以美國會係佢不二之選。
David讀書叻遺傳畀囡囡，佢千金黃詩岸都喺美國取得經濟及生化雙學士學位，近日回歸香港發展，仲加入埋廠商會做會董。David話，囡囡係黃家第三代廠商會人，想唔認老都唔得喇。