添馬艦新政府總部及立法會發現退伍軍人症桿菌，連日來司局長辦公室內嘅私人廁所都搵到惡菌蹤迹。港大微生物學系教授袁國勇尋日喺立法會話，呢啲廁所用水量小，加上用上恒溫熱水器，結果水溫不足搞到惡菌橫生。議員劉慧卿就建議廢除局長私人廁所，議員劉秀成亦寸爆啲司局長咁富貴先至會染到呢個病，就連袁國勇都睇唔過眼話，凡事都係有啲代價要付嘅。
