最低工資實施之後，好多基層打工仔嘅收入都增加咗，照睇就係好事。不過對飲食業嚟講，最低工資除咗令成本增加之外，最大問題原來係令經營者再請唔到洗碗工人。餐飲聯業協會會長黃家和尋日上電台接受訪問，話有洗碗工人嫌工作太辛苦，有食肆出到五、六十蚊個鐘都請唔到人，好多人喺最低工資下走晒去做保安喎。實施最低工資後出現呢個奇景，唔知政府之前又有冇諗過呢？
