元朗鬧市 違泊樂園
元朗鬧市淪為違泊樂園，警方一年發出逾千張告票仍未能遏止問題！「由朝到晚啲車都係咁泊，我試過見塞車塞到連救護車都過唔到！」陳先生指元朗市中心康景街及康樂路一帶違例泊車問題嚴重，不但令道路交通經常癱瘓，更擔心對緊急車輛造成阻礙，分分鐘因此「搞出人命」。
警方發言人承認，過去一年共接獲一百六十四宗有關上述街道的違例泊車投訴，並發出逾一千一百張告票。發言人強調警方一向重視區內違泊情況，每次接報後均會派員加強巡邏，呼籲市民若發現有車輛違泊，可致電分區警署值日官舉報。
當區區議員呂堅坦言，上址位處元朗市中心，乃上落貨熱點，平日已非常繁忙，車輛違泊造成嚴重擠塞。「呢排附近仲有水管工程，塞車仲嚴重咗，好明顯警察就唔夠人手管理交通！」呂促警方派員疏導情況。