昨日《星島日報》有篇文章，說「梁營由劉夢熊在選前先放料，話政協常委陳永棋要封殺振英哥」，又說梁振英明知在政協界別參選選委「必然會低票當選，於是由劉夢熊打出『哀兵牌』，預先張揚被人狙擊」云云。
在此，我謹向全港市民聲明：上述講法嚴重失實！事情真相是：
上周六（10日）晚九點左右，我接到某報記者電話，說是「我哋收到風，話全國政協常委陳永棋喺政協委員中做工作，要大家喺選委選舉中唔好投票畀CY，你有冇聽到呀？」我答：「對唔住，我因為喺宗教界嘅孔教出線做選委，無喺政協界別登記為選民，而且我旗幟鮮明挺梁，就算有人勸唔好投票畀CY都唔會同我講啦！呢單嘢我真係唔知！」記者就說：「咁你幫吓手搵其他政協朋友求證吓啦！」我答：「好啦，我問吓人先！」於是打了幾個電話問政協朋友亦當面問了CY。相隔半個鐘頭後，我就回電話給記者：「問過啦，有人證實真有其事！」記者問：「咁你點睇呀？」然後我就講：「如果有人真係同民意對着幹，搞小動作令CY低票當選嘅，咁損失嘅唔係CY個人威信，損失嘅係人民政協嘅公信力和認受性！」
上述所言，記者可挺身作證，絕對不存在所謂「梁營由劉夢熊在選前先放料」、「預先張揚」、「打出『哀兵牌』」之事，我只是幫手求證、評論而已！《星島日報》專欄講法是百分之百「作新聞」！
劉夢熊