中環出更：余皓媛爺爺 大名響噹噹
聖誕鐘聲漸近，歡樂派對陸續到來。香港台灣工商協會前日就喺佐敦龍堡國際酒店舉行聖誕嘉年華慶祝成立十九周年，現身嘅台灣政商界人士逼爆會場，卓妮仲見到瑞士銀行執行董事余皓媛（Grace），傾開先至知原來佢爺爺係一代名人「糖薑大王」余達之。
余達之個名響噹噹，九龍塘通往又一村嘅必經之路「達之路」，正係紀念佢爺爺而命名。事關余達之當年力主華人應有高尚住宅區，故發起成立又一村建設公司，對該區嘅發展功不可沒。
劉錫威與鄉親夾Band
當晚出席嘅名人仲有前光華新聞文化中心主任江素惠、新到任嘅中華航空香港分公司總經理唐慧明等。江素惠一貫盛裝打扮到場，令人眼前一亮。台北貿易中心總經理劉錫威與鄉親夾Band高歌，華航亦專程派旗下一名媲美名模白歆惠嘅靚空姐獻唱，為晚宴掀起小高潮。